The Book of the O'Conor Don
[f. 27v4] .
An tu maithne a fhalluing donn. ataoí fedh thaithne agam. mithidh damh gé túar tuirrsi. do chor uaim[. . .]
No gur lomais fam lamhuibh. ad ciomhsuibh a compánuigh. iomda coinne nar chuir me. na cruibh a ccoinne a[. . .]
Tugus cuairt do chois berbha. moide ad dhíaigh mo dhoimheanma. a ccionn gach faithche sa tír thoir. do bhinn dh[. . .]
Do chúadhus leatlá oile. a measg oireachd osruighe. a dhonnbrait ar dhath an tsróil. ach dob oirdearc bur nonóir
Re thfhoirfeachd a fhalluinng donn. da ttugadh a amhghar oram. do thógbháil fan ttír amach. bím ar ógmhnaibh dot fholach
Mithidh dam dealughadh ruibh. beag nár lom do leath iochdair. terc flaitheas nach bfuighe cor. do chaitheas uile thúachdar
An lom uile fhalloing donn. do scaoíl ó chéle ar ccomunn. anochd mo truaighe thusa. ruainne ort nír fhagbhusa
Fa tú an mheirge ba mor cion. agam a niochdar laigean. tús comhóil duit ó gach droing. cuid dot onóir a fhalluing.
//AN//